KIONGOZI WA MBIO ZA MWENGE AGOMEA UZINDUZI WA MIRADI MIWILI WILAYANI BIHARAMULO

Posted on: May 1st, 2019

Kiongozi wa mbio za   Mwenge wa  Uhuru  Kwa mwaka huu 2019 Ndugu  Mzee Mkongea Ally amekataa kuzindua miradi miwili  Wilayani Biharamulo baada ya kuwa na wasiwasi  juu ya utekelezaji  wa miradi hiyo.

Kiongozi huyo amemuagiza Mkuu wa Wilaya ya Biharamulo Bi. Saada Malude kukabidhi mikataba ya miradi hiyo   TAKUKURU ili uchunguzi ufanyike na  apewe taarifa haraka sana.

Miradi hiyo ni Mradi wa Maji Ng’ambo  ambao thamani yake fedha za Kitanzania ilikuwa millioni mia nne, Mia tano na nane elfu na mianne, fedha hizi zimetolewa na Serikali kupitia Wizara ya Maji.

Mradi wa pili ni mradi wa ujenzi wa Barabara ya lami kilometa moja(Km 1) ambao thamani yake fedha za Kitanzania ilikuwa million mia mbili tisini  na nane, mia moja themanini na sita elfu,Mkandarasi wa mradi huu ilikuwa Kampuni ya Kajuna kutoka Wilayani Muleba.

Kufuatia  maagizo hayo Ofisi ya TAKUKURU inawashikilia Meneja wa TARULA  Eng. M. Lugw’echa Masuka na  Meneja wa Mamlaka ya Maji Biharamulo Mjni Ndg. Siraji Athumani Basiga kwa mahojiano zaidi.

Hata hivyo kiongozi huyo wa mbio za mwenge wa uhuru amepongeza miradi mitatu iliyotekelezwa vizuri miradi hiyo ni  mradi   bweni na vyumba vya madasa shule ya msingi Kabindi Kata ya Kabindi,Shamba la migomba Kata ya Nyabusozi  na ujenzi wa Wodi ya akinamama,watoto,Chumba cha kuhifadhia maiti,Maabara na nyumba ya mtumishi Kata ya Nemba.

Imetolewana kitengo cha Habari na Mawasiliano Biharamulo.