TAARIFA YA UTEKELEZAJI WA SHUGHULI ZA MPANGO WA KUNUSURU KAYA MASKINI SEHEMU YA PILI YA MPANGO HALMASHAURI YA WILAYA YA BIHARAMULO

Posted on: January 3rd, 2024

• UTANGULIZI
• Halmashauri ya Wilaya ya Biharamulo ni Miongoni mwa Wilaya zinazotekeleza Mpango wa Kunusuru Kaya Maskini kati ya Halmashauri 7 na Manispaa 1 za Mkoa wa Kagera.Utekelezaji wa kipindi  cha pili Halmashauri ya Wilaya ya Biharamulo tulianza tarehe 29/06/2020 kwa kufanya uhakiki wa kaya za walengwa kwenye vijiji 50 vya Kipindi cha kwanza cha Mpango. Zoezi hili la uhakiki wa kaya za walengwa lilifanyika kuanzia tarehe 01/07/2020 hadi 03/07/2020 kutokana na maelekezo aliyoyatoa Februari 17, 2020 Mh.Rais wa Jamhuri ya Muungano wa Tanzania wakati wa uzinduzi wa kipindi cha Pili cha Mpango.Kwa lengo la Kupata orodha halisi ya kaya za walengwa wenye sifa/vigezo vinavyotakiwa katika mpango
• PROGRAM ZA KIJAMII ;
• Zinahusisha shughuli zifuatazo katika Mpango;
• Uhawilishaji fedha -Ni utaratibu wa kutoa ruzuku kwa kaya zilizotambuliwa na kuandikishwa kwenye Mpango ili kujenga rasilimali watu kwa kuendeleza watoto kiafya na kielimu na kuwaandaa kwa maisha bora ya baadaye.Kuna aina mbili za ruzuku ambazo ni:
• Ruzuku ya Msingi –Ruzuku hii inatolewa kwa kila kaya iliyoandikishwa kwenye  Mpago.
• Ruzuku ya Masharti – Ruzuku hii inatolewa kwenye kaya yenye watoto chini ya miaka mitano (5) waliotimiza masharti ya afya na watoto wenye umri wa kwenda shule waliotimiza masharti ya elimu. Ruzuku kwa kaya zitatofautiana kulingana na uwepo wa wanakaya wanaotimiza masharti ya elimu na afya, uwepo wa walemavu, watoto chini ya miaka kumi na nane (18) kwa viwango viliyoaishwa kwenye jedwali 1 hapa chini.

• Miradi ya Kutoa Ajira ya Muda kwa walengwa - Itahusisha kuendeleza miundombinu mahsusi ya Afya, Elimu na Maji .Kaya itaandikisha watu wawili kwa ajili ya ajira za muda lakini ni mtu mmoja tu kati yao ndiye  atakayeruhusiwa kufanya kazi endapo mwakilishi wa kaya atashindwa kuhudhuria kazinii Ujira utakuwa shilingi 3,000  kwa  mtu  kwa siku muda wa kazi utakuwa saa 4 kwa siku kwa mtu. Kazi zitafanyika kipindi ambacho sio msimu wa kilimo na jira utalipwa kwa mwakilishi aliyeandikishwa kutoka kwenye kaya.
• MIRADI YA KUKUZA UCHUMI WA KAYA: 
• Utekelezaji utafanyika kwa  kaya zote zenye watu wenye uwezo wa kufanya kazi zitashiriki kutekeleza miradi ya kuongeza kipato
• Shughuli za Msingi za Ukuzaji Uchumi wa Kaya: Shughuli zitafanyika kwa miaka miwili na zitafanyika kwenye kaya zenye nguvu kazi Shughuli kuu zitakuwa:Kuweka akiba na kuwekeza ,Kuunganishwa na huduma za kitaalamu ili kuzalisha kwa tija ,Shughuli za Mabadiliko kitabia .
• Shughuli za Kuimarisha Ukuzaji Uchumi wa Kaya : Shughuli kuu zitakuwa: Uwekaji wa akiba wa kidijitali na kuunganishwa na huduma rasmi za fedha na kaya zitakazokidhi vigezo zitapewa ruzuku ya uzalishaji
• KUIMARISHA  MIFUMO YA TAASISI :
• Sehemu hii inasimamia mifumo ya taarifa za uendeshaji na kuimarisha uwajibikaji kwa kufanya shughuli zifuatazo:
• Kuelimisha walengwa kuhusu TASAF na taratibu zake, wajibu na majukumu ya walengwa
• Kujenga uelewa kwa jamii kuhusu TASAF kupitia maonesho, mikutano ya jamii, vyombo vya habari yakiwemo magazeti, radio, televisheni, mitandao ya kijamii, majarida, vipeperushi na mabango.
• Kushughulikia malalamiko ya walengwa na jamii kuhusu utekelezaji wa shughuli za TASAF
• Kujenga uwezo wa watumishi wa ugani na Kamati za Usimamizi za Jamii kwa kutoa mafunzo kuhusu usimamizi wa miradi, manunuzi, kulinda mazingira na makazi
• UHAKIKI KWA KAYA ZA WALENGWA:

Uhakiki wakaya za walengwa umefanyika kwa awamu tatu kwa ukaguzi wa vitambulisho vya walengwa na mahojiano ya Mama/Mkuu wa kaya kwa lengo la kukusanya taarifa za wanakaya kwa njia ya dodoso fupi.  Shughuli hii ya kuhakiki ilifanyika kwa kushirikisha wataalam kutoka idara mbalimbali za Halmashauri ya Wilaya ya Biharamulo ambao walitumika kama wawezeshaji ngazi ya Halmashauri.Aidha katika kutekeleza zoezi hili jumla ya wawezeshaji 57 walitumika kufanya kazi hii ikiwa Me 42 na Ke 15, Watendaji wa vijiji 50, Wenyeviti wa Vijiji 50, Wajumbe wa Halmashauri za Vijiji 150.

• MATOKEO YA ZOEZI LA UHAKIKI KWA KAYA ZA WALENGWA WA MPANGO WA KUNUSURU KAYA MASKINI.

Uhakiki ulilenga kufikia kaya 6,873 kutoka kwenye vijiji 50 vya kipindi cha kwanza cha mpango hata hivyo uhakiki huu tuliweza kutumia mfumo wa  electroniki kwa awamu zote tatu .Tazama kwenye jedwali 2 Idadi ya kaya zilizohakikiwa.

• FEDHA ZILIZOTUMIKA WAKATI WA ZOEZI LA UHAKIKI AWAMU ZOTE  KWA KAYA ZA WALENGWA WA MPANGO WA KUNUSURU KAYA MASKINI.
•  
• Katika kutekeleza zoezi hili kiasi cha TSHS 47,501,000.00 kilitumika  wakati wa uhakiki wa kaya za walengwa kwa awamu zote tatu kama inavyonyesha katika jedwali 3 hapa chini

• MAPOKEZI YA FEDHA ZA UTEKELEZAJI  WA SHUGHULI ZA  MPANGO WA KUNUSURU KAYA MASKINI
• Halmashauri ya wilaya Biharamulo kuanzia Septemba 2020 hadi marchi 2022 tumepokea kiasi cha TSH 2,894,568,700.00 kwa ajili ya ruzuku ya kaya za walengwa wa Mpango wa Kunusuru Kaya Maskini na fedha za usimamizi na ufuatiliaji wa shughuli za Mpango kwa mchanganuo ufuatao Katika jedwali 4 hapa chini

• UZINDUZI WA UTAMBUZI NA UANDIKISHAJI WA KAYA ZA WALENGWA VIJIJI VIPYA

Uzinduzi wa Kipindi cha pili cha TASAF awamu ya tatu ulifanyika tarehe 10.08.2021katika Halmashauri ya wilaya ya Biharamulo kwenye ukumbi wwa ofisi ya mkuu wa wilaya. kwa kuwajumuisha wajumbe kutoka ngazi mbalimbali za ki-utekelezaji kama mheshimiwa mbunge, Mkuu wa Wilaya, Waheshimiwa Madiwani, Mwenyekiti wa Halmashauri, Mkurugenzi Mtendaji wa Halmashauri, Wakuu wa Idara na Vitengo, kamati ya Ulinzi na Usalama, na waandishi wa habari ,maafisa ugavi ,wawezeshaji  watekelezaji wa Mpango. jedwali 5 washiriki wa kikao kazi cha zoezi la utambuzi na uandikishaji kaya za walengwa

• MAFUNZO  YA UTAMBUZI NA UANDIKISHAJI WA KAYA ZA WALENGWA SEHEMU YA PILI KWA WAWEZESHAJI NGAZI YA WILAYA

Utekelezaji wa Mpango ulianza rasmi kwa kutoa mafunzo kwa wawezeshaji 28 ngazi ya Wilaya kwa muda wa siku 5 kuanzia tarehe 11-08 .2021 hadi 15.08.2021.

• MKUTANO YA VIJIJI YA UTAMBUZI NA UANDIKISHAJI WA KAYA ZA WALENGWA SEHEMU YA PILI

Katika mikutano iliyofanyika kila kijiji walibainiwa Walengwa kwa kufuata vigezo vilivyowekwa na Mikutano mikuu ya vijiji kwa kutumia Wakusanya taarifa kwa kuorodhesha majina yote kwa kila kitongoji kwenye kijiji husika na baada ya hapo orodha ya kaya  zilihakikiwa na Halmashauri ya Kijiji na kisha kusomwa kwenye Mkutano Mkuu kwa uhakiki zaidi ili kubaini waliosahulika na waliowekwa kimakosa kuondolewa  kwa kuhakiki kaya zote zenye vigezo kupitia mkutano.

UTAMBUZI WA KAYA ZA WALENGWA 

Utambuzi na uandikishaji ulianza tarehe 16.08.2021 na kumalizika tarehe 3.09.2021 katika vijiji 26 na vitongoji 3 vya kata ya Bihramulo mjini. Jumla ya Kaya 7,249 zilitambuliwa katika fomu ya awali -TF3 kupitia mkutano mkuu wa kijiji kwa kuzingatia vigezo vilivyowekwa na wananchi kwenye mkutano mkuu ya kila kijiji kulingana na hali ya umaskini wa kila kijiji husika. Baadhi ya vigezo vilivyotumika kutambua kaya maskini ni pamoja na; Kaya zenye hali duni sana ya maisha ikilinganishwa na kaya nyingine katika jamii husika ndizo zilizotambuliwa na kuingizwa kwenye orodha ya awali na baadae kuhakikiwa kama zina hali duni kupitia mkutano wa kijiji.Jamii iliongozwa na viongozi wa kijiji na wawezeshaji kuweka vigezo vilivyotumika katika zoezi la kutambua kaya zenye hali duni sana. miongoni mwa vigezo vilivyotumika ni kaya:

Kuwa na kipato kidogo kisicho na uhakika na hivyo kushindwa kupata milo mitatu kwa siku; (mlo wa asubuhi, mchana na jioni) na kuwa na makazi duni

 Kushindwa kumudu gharama za masomo kwa watoto wanaosoma ikiwemo sare, vitabu, madaftari, kalamu nk;

Kushindwa kumudu gharama za matibabu

 Kuwa na watoto wengi ambao hawapati huduma na mahitaji muhimu kama vile mavazi au kupelekwa kliniki.

UANDIKISHAJI WA KAYA ZA WALENGWA 

Wawezeshaji na wasaidizi walitatembelea kila kaya kwenye kijiji kwa ajili ya kuchukua na kuingiza taarifa sahihi za kaya zilizopatikana baada ya utambuzi wa kaya za walengwa na kuziingiza kwenye madodoso ya kieletroniki.

Taarifa zilizokusanywa zilitumwa kwenye mfumo wa kompyuta ambao ulichakata na kutoa orodha ya kaya zinazostahili na zile ambazo hazistahili kuingia katika Mpango .Orodha ya mwisho ya kaya za walengwa (TF4) ndiyo iliyotumika kuandikisha kaya kwenye Mpango kama inavyoaishwa kwenye jedwali 6 hapa chini.

GHARAMA ZA UTEKELEZAJI WA ZOEZI LA UTAMBUZI NA UANDIKISHAJI WA KAYA ZA WALENGWA SEHEMU YA PILI MPANGO.

•  
• MATOKEO YA ZOEZI LA UTAMBUZI WA KAYA ZA WALENGWA
• Baada ya zoezi la undikishaji kukamilika halmashauri ya wilaya ya Biharamulo ilitumiwa matokeo ya undikishaji kutoka TASAF makao makuu kama inavyoonyesha kwenye jedwali hapa chini

•  MATOKEO YA RUFAA KAYA ZA WALENGWA  VIJIJI VIPYA AWAMU YA KWANZA

Pia baada ya matokeo kutolewa na TASAF makao makuu walitoa nafasi kwa kaya za walengwa ambazo  hazikupitishwa kukata rufaa kama inavyoonyesha kwenye jedwali hapa chini.

Video

MBIO ZA MWENGE WA UHURU MWAKA 2022 WILAYANI BIHARAMULO

Video Zaidi

Kuarasa za Haraka

• Historia

Kurasa Mashuhuri

• Tovuti ya Mkoa wa Kagera
• Tovuti ya Manispaa ya Bukoba
• Tovuti ya wilaya ya Muleba
• Tovuti ya Ofisi ya Rais Tawala za Mikoa na Serikali za Mitaa(TAMISEMI)
• Tovuti ya Sekretarieti ya Ajira

World visitors tracker

Visitors Counter

free HitCounter

Location Map

Kuwasiliana nasi

Mtaa wa Bomani

Sanduku la Barua: S.L.P 70

Telephone: 028 2223403

Simu ya Mkononi:

Barua Pepe: ded@biharamulodc.go.tz

Other Contacts