HALMASHAURI YA WILAYA YA BIHARAMULO YAGAWA VITAMBULISHO VYA WAJASILIAMALI 83

Posted on: May 5th, 2021

Afisa Biashara wa Wilaya ya Biharamulo Mkoa wa Kagera, Bahati  Dominick amesema vitambulisho vya  wajasiliamali wadogo vimetolewa kwa  wachache waliohakikiwa  ambao hawajahakikiwa ni wengi na wako vijiji  hivyo kuwataka watendaji wa kata na vijiji  kuwahamasisha wananchi juu ya umuhimu wa   kuwa na vitambulisho vya  wajasiliamali wadogo wadodo ili kufanya  biashara zao katika maeneo mbalimbali bila usumbufu.

Dominick ameyasema hayo wakati akitoa  taarifa  kwa Mkuu wa Wilaya ya Biharamulo  Kanali Mathias  Kahabi ,ambaye amewakilishwa na Mwenyekiti wa Halmashuri ya  Biharamulo Leo Rushahu  kwenye hafla  ya uzinduzi wa  vitambulisho vya wajasiliamali ambayo imefanyika katika ukumbi wa Mkuu wa Wilaya ya Biharamulo  May 4, 2021.

Amesema mwaka 2019 walipokea vitambulisho 7770 na kuviuza ambapo mwaka 2020 walipokea vitambulisho 8600 kati ya hivyo vilivyouzwa 5774 na mwaka huu 2021 wamepokea vitambulisho 8200 ambavyo vimeuzwa ni vitambulisho 203 ila walivyo vikabidhi leo ni 83 ambavyo vimehakikiwa.

“Wajasiliamali ambao hawatahusika na kugawiwa vitambulisho nipamoja na mafundi welding, wanahusika na uchomeleaji wa vyuma, saluni kubwa, na wale wafanya biashara wakubwa wenye leseni”, Amesisitiza Dominick.

Dominick ameogeza kuwa kutakuwa na msako wa kukagua wajasiliamali wenye vitambulisho kabla hawajaingia sokoni, kwa wale ambao watakutwa hawana hawataruhusiwa kuingia sokoni hii itawasaidia kuepusha mgogoro kwa wale waliolipia.

Mwenyekiti  wa Halmashauri  ya Biharamulo, Leo Lushahu aliyemwakilisha  Mkuu wa Wilaya ya Biharamulo  Kanali  Matias Kahabi  amesema  wajasiliamali wakilipia vitambulisho vya Tsh 20,000 elfu watapa haueni ya kulipa Tsh 1,000 elfu kila wanapo ingia sokoni ambapo kwa mwaka itakuwa zaidi laki moja.

Kwa upande wake Kaimu Mkurugenzi wa Halmashauri ya Wilaya ya Biharamulo Dr Sospiter Mashamba,  amewaomba wajasiliamali kuwa mabarozi wazuri kwa wengine ili nao waweze kunufaika na vitambulisho   vilivyoboreshwa.

Akizungumza kwa niaba  ya Madiwani wa Halmashauri  ,Diwani wa Kata ya Biharamulo Mjini  Devidi  Mwenenkundwa   amewaomba viongozi watakaohusika na zoezi la kukagua  vitambulisho kutowasumbua wajasiliamali ambao wanakamilisha taratibu za kupata vitambulisho  hivyo.

Nae mjasiliamali wa Soko la Kasusula Biharamulo Mjini, Levina Jeremiah, amesema anaishukuru  sana Serikali kwa kuleta vitambulisho vya wajasiliamali maana vimekuwa neema kubwa kwao kwa kufanya biashara kwa uhuru bila kusumbuliwa.

Imeandikwa na  Kitengo cha Habari na Mawasiliano Halmashauri ya Wilaya ya Biharamulo